چھبار ءَ چار روچ دیمترا بیگواہ بوتگیں بلوچے، داں انگت آئی ءِ ھالے سرپدئے دست نہ کپتگ

رَسانک نیوز/ دوشمبے روچ 3 شہریور ماہ 1404 ءَ، چھبار ءَ بلوچے کہ چار روچ دیمترا بیگواہ بوتگ داں انگت ءَ آئی ءِ ھالے سرپدئے نیست اِنت ءُ اے گپّ ءَ لوگے مردم باز دل پریشاں کرتگ. اے بلوچ پنچشمبے روچ ءَ 30 مرداد ماہ 1404 ءَ پہ درمان ءَ چھبار ءَ داکتر ءَ شُتگ۔ ڈاکتر ئے روگ ءَ رند داں انگت ءَ لوگ ءَ واتر نہ بوتگ ءُ تہنا آئی ءِ گاڑی چہ چھبار ءِ کش ءُ کِرّیں دمگاں دست کپتگ.

اے بلوچے پجّار «جمیل پیروزی»، اھمد ئے چُک، دشتیاری ئے نگور ءَ کالبر دمگے نندوک زانگ بوتگ.

رَسانک ءِ ھال سرکنوکانے رد ءَ، آئی اسپیتیں پژو پارس گاڑی ئے سرا چھبار ءَ شُتگ ءُ چہ اُداں بیگواہ بوتگ۔ گاڑی ئے نمبر پلیٹ 68ق892ایران95 گوشگ بوتگ.

جمیل ئے لوگے مردم چہ آئی ءِ بیگواہ بوھگ ءَ سکّ دل پریشان اَنت، آیان چہ اوام ءُ مھلوک ءَ لوٹتگ ھر مردمے ءَ اے درگت ءَ ھالے رست، ھالاں پہ جہلا داتگیں نمبر آں سر بہ کنت:
09156329076
09159931225
09152773848

بلوچستان ءَ، بلوچانے بیگواہ کنگ ءُ امنیتی ادارہ آنے پہ بیگواھیں مردمانے شوہاز ءَ جُھد ءُ کوشست نہ کنگ ءَ، اُدے جھمنندانے بہروسہ ءَ سرکار ے سرا کم ءُ آیانی دل پریشانے پہ زاتی ءُ سماجی ایمنی ءَ گیش کرتگ.