رَسانک نیوز/ 13 مرداد ماہ 1404 ءَ، پہرہ ئے دمگے ءَ سلاہ بندیں مردمے ئے تیرگواری ءَ لاپ پُرّیں بلوچے جنیں آدمے کہ چہ سرباز ءَ پہ درمان ءَ پہرہ ءَ آتکگ کُشگ بوتگ، ڈاکٹر آن ءَ وھدے سرا آپریشن کرتگ ءُ آئی ءِ چُکے ساہ رکّینتگ۔ چُک پہ درمان ءَ نادراہجاہ ءِ آی سی یو واڈ ءَ داشتگ.
اے بلوچے جنیں آدمے پجّار «پاتما بمپوری»، بُندر ءَ بمپور ے مردم ءُ انّیگیں وھدا سرباز ئے جھمنند گوشگ بوتگ. آئی پہ وتی درمان ءَ پہرہ ءَ آتکگ ءُ وتی دزگوھار ئے لوگ ءَ داشتگ.
گوشگ بوتگ: ھماں وھدا کہ آئی ڈاکٹر ءَ روگ ءَ بوتگ، سلاہ بندیں مردمے ءَ آئی ءِ سرا تیرگواری کرتگ، پاتما ءَ سینگ ءَ تیر لگتگ ءُ نادراہجاہ ءَ سر بوھگ ءَ پیسر راہ ءَ ساہ داتگ.
داں اے وھدا، اے ویل ءِ پُژدر ءُ گیشیں ھالے دست نہ کپتگ.
Be the first to comment