دلگان ئے مند ءِ دمگ ئے سرا، امنیتی باسک ءِ ٹولی ءَ اُرش کرتگ ءُ بلوچے ءَ آوار جتگ

رَسانک نیوز/ سُہبی 2 مرداد ماہ 1404 ءَ، دلگان ءَ جلگہ دمگے مند ئے میتگ ءَ نزامی ءُ امنیتی باسک ءِ ٹولی ءُ چیریں ادارے سادہ پوشیں کارمندان ءَ مند ئے میتگ ءَ، نندوکیں لوگے ئے سرا اُرش کرتگ ءُ یکے چہ اے لوگے جھمنندیں مردمان ءَ دسبند جتگ ءُ چیریں جاگہے برتگ.

رَسانک ءَ اے بلوچے پجّار «ایسا نارویی»، 50 سالگ، شہباز ئے چُک، بُندر ءَ دلگان ئے مند ءِ میتگ ءَ نندوکیں مردمے زانتگ.

رَسانک ءِ ھال سرکنوکان ءَ گوشتگ: سُہب ءِ ساھت پنچ ءَ، امنیتی ءُ چیریں ادارے ٹولی ءَ مند ئے دمگے سرا اُرش ءَ پد، اے بلوچے دزگیر کرتگ ءُ آوار جتگ.

داں اے وھدا، ایسا نارویی ئے سرا بستگیں الزام ءُ آئی ءِ آوار جنگ ءِ پُژدر زانگ نہ بوتگ.