پہرہ ءَ، سلاہ بندین ءُ بے پجّاریں مردمانی تیرگواری ءَ بلوچے کُشگ بوتگ

رَسانک نیوز/ 24 تیر ماہ 1404 ءَ، پہرہ ئے چاہ‌جمال دمگ ءَ سلاہ بندین ءُ بے پجّاریں مردمانی تیرگواری ءَ بلوچے کُشگ بوتگ.

اے بلوچے پجّار «امان سنجرزھی»، 20 سالگ، ابدول ئے چُک، پہرہ ئے چاہ‌ جمال دمگ ءِ نندوک زانگ بوتگ.

رَسانک ءِ ھال سرکنوکان ءَ گوشتگ: شپ ءِ ساھت 9 ئے وھدا سلاہ بندین ءُ بے پجّاریں مردمان ءَ امان ئے سرا تیرگواری کرتگ۔ آئی پہ درمان ءَ پہرہ ئے ھاتم الانبیاءِ نادراہجاہ ءَ سر کنگ بوتگ، بلے ٹپّانی باز بوھگ ءَ آئی ءَ ساہ داتگ.