رَسانک نیوز/ پنچشمبے روچ 25 اردیبھشت ماہ 1404 ءِ بیگاه ءَ، دُزاپ ءَ امنیتی باسک ءِ ٹولی ءَ پیربکش ءِ ھیابان ءَ یک لوگ ءِ سرا اُرش کرتگ ءُ بے میار ءَ یک بلوچے ءَ آوار جتگ ءُ بیگواہ کرتگ.
آوار جتگیں بلوچ ءِ پجّار «سناء اللہ ھارکوھی» 43 سالگ، ملا سلام ءِ چُک زانگ بوتگ.
گوشگ بیت کہ سنا الله اُرش ءِ وھد ءَ وتی برات ءِ لوگ ءَ بوتگ کہ امنیتی باسک ءِ ٹولی ماں آئی ءِ برات ءِ لوگ مان رھتگ اَنت ءُ آئی اِش آوار جتگ ءُ بیگواہ کرتگ. امنیتی باسک ءِ ٹولی ءَ گوں مزنیں پلٹنی اے لوگ ءِ سرا اُرش کرتگ ءُ لوگ ءِ چُک ءُ جنیں آدماں تُرسینتگ. داں اے وھد ءَ، نہ اے ویل ءِ پُژدر زانگ بوتگ ءُ نہ گیشیں ھالی دست کپتگ.
Be the first to comment