رسانک نیوز، سئے شمبے روچ 2 اردیبھشت ماہ 1404 ءَ ، گہ ءِ سئے راہ ءَ ٹیل ءِ پَمپ ءِ سرا چیریں ادارہ ءُ انٹیلیجنس ءِ ٹولی ءَ یک بلوچی زور آوار جتگ ءُ بیگواہ کرتگ۔ اے ویل ءِ 20 روچ ءَ پد، داں ھنگت ءَ ھچ پیمیں سرپدی چہ آئی ءَ دست نہ کپتگ.
رسانک ءَ آوار جتگیں بلوچ ءِ پجّار، «زبیر بلوچ»، 20 سالگ، دادھُدا ءِ چُک، بُندر ءَ گہ جھمنند زانتگ.
رسانک ءِ ھال سرکنوکان ءَ گوشتگ: چیریں ادارے ٹولی ءَ اے بلوچ ورناہ ءَ پہ زور ءَ چہ گہ ءِ ٹیل ءِ پَمپ ءَ آوار جتگ ءُ ھمے گوشتگ کہ ما وزارت ءِ مردمیں بزاں کہ چیریں ادارھے مردمیں۔ آیان ءَ پمپ ءِ دور گند ءِ رکارڈ ءُ سسٹم ھم گوں وت برتگ اَنت.
آوار جتگیں بلوچ ءِ کھول ءُ لوگ ءِ مردمان ءَ گہ ءُ دُزاپ ءِ آمیدگِس، انساپ دیئوکیں ادارہ ءُ اے دگہ امنیتی باسکانی دپتراں پہ وتی چک ءِ ھال ءِ سرپدی ءَ شتگ اَنت، بلے آیان ءَ دلجمیں ھالی نہ رستگ. دُزاپ ءَ امنیتی باسک ءِ زمہ واراں ءَ گوشتگ ماں بُنگیجی پٹ ءُ پول دست گپتگ ءُ اے نہ گوشتگ آیانی چُک کجام ادارھے دست ءَ اِنت.
داں اے ساھت ءَ زبیر ءِ گناہ ءُ میار زانگ نه بوتگ ءُ نہ آوار جنوکیں ادارہ، نہ کہ آئی ءِ ھال ءِ سرپدیئے دست کپتگ.
Be the first to comment