رسانک نیوز، 21 اردیبھشت ماہ 1404 ءَ، کرمان ءِ راین شھر ءَ مرساد ءِ لشکری دستے ءَ یک بلوچ ٹیل کشّ ءِ گاڑی گوں تیراں مان بستگ۔ ٹیل کشّ ءِ تیر ورگ ءَ پد آئی ءِ گاڑی لیٹ وارتگ ءُ بُن گپتگ.
کُشگ بوتگیں بلوچ ٹیل کشّ ءِ پجّار «یوسپ کبدانی»، 30 سالگ، سدّیک ءِ چُک، بُندر ءَ پھرگ ءِ نندوک زانگ بوتگ.
گوشگ لوٹیت: کرمان ءِ راین شھر ءِ نزّیک ءَ مرساد ءِ کارمندانے چیرین ءُ زاتی گاڑیاں یوسپ ءِ گاڑی ءِ پد ءَ کپنت ءُ آئی ءِ سرا تیرگواری کن اَنت، یوسپ تیر وارت ءُ گاڑی ءِ مہار چہ آئی ءِ وس ءَ ڈنّ بیت ءُ لیٹ گِرَگ ءَ پد، بُن گریت، یوسپ ءَ تیر ورگ ءَ پد جاہ ءَ ساہ داتگ.
Be the first to comment