رَسانک نیوز، جُمه روچ 19 اردیبھشت ماہ 1404 ءَ، شستون ءِ مورت دمگ ءَ یک بلوچی چہ بے پجّارین ءُ سلاہ بندیں مردمانی تیرگواری ءَ کُشگ بوتگ.
مرتگیں بلوچ ءِ پجّار «ھاشم سیاھانی» 26 سالگ، شیر مھمد ءِ چُک، بُندر ءَ شستون ءِ مھرگان ءَ بزم دمگ ءِ مردم بوتگ.
سر بوتگیں ھالان ءِ رِد ءَ، ھاشم پہ جُمه نماز ءِ وانگ ءَ مورت ءِ دمگ ءَ رپتگ، نماز ءَ پد یک گاڑئے سلاہ بندیں نندوکان ءَ آئی ءِ سرا تیرگواری کرتگ، کہ ھاشم ءَ یک تیری ماں سرا ءُ دو تیر ماں دلا لگ اِتگ ءُ جاہ ءَ ساھی داتگ.
داں اے ساھت ءَ جنوکانی پجّار ءُ آیانی سوب چہ ھاشم ءِ کُشگ زانگ نہ بوتگ.
Be the first to comment