رَسانک نیوز، زی شمبے روچ 20 اردیبھشت ماہ 1404 ءَ، دُزاپ ءُ زیارت چمّگ ءِ میان راہ ءَ بے پجّارین ءُ سلاہ بندیں مردمانی تیرگواری ءَ یک بلوچی کُشگ بوتگ.
کُشگ بوتگیں بلوچ ءِ پجّار «ھُدابکش کمبرزھی» 53 سالگ، پیرمھمد ءِ چُک، دُزاپ ءِ چمّگ ءِ نندوک زانگ بوتگ.
گوشگ بیت کہ ھُدابکش ءَ چُنت سال دیمترا چہ چیریں ائیرانی انٹلیجنس ادارہ ءَ وتی جان بکشی ءُ ایمنی ءِ کاگدانی دست گِرَگ ءَ پد، گوں ھمیں ادارہ ءَ جوڑ اِتگ ءُ رو ءُ آئی کتگ دانکه سلاہ بندیں پٹ پٹ سواران ءَ آئی ءِ ٹوتا گاڑی ءِ سرا تیرگواری کرتگ کہ ھدابکش پہ وتی ساہ ءِ رکّینگ ءَ گاڑی ءَ ماں ھاکاں دَور داتگ، بلے سلاہ بندیں مردماں آئی ءِ نزّیک ءَ رپتگ اَنت ءُ سئے تیر ماں سر ءَ جتگ ءُ کُشتگ.
داں اے ساھت ءَ جنوکان ءُ آیانی سوب چہ ھُدابکش ءِ کُشگ ءَ زانگ نہ بوتگ.
Be the first to comment