رَسانک نیوز، زی سُہب ءَ 12 اردیبھشت ماہ 1404 ءَ یک بلوچئے بے ساھیں جون ھوت آباد میتگ ءِ آپ ءِ منبه ءِ نزّیک ءَ شوھاز بوتگ، بے پجّاریں مردمان ءَ دو روچ پیش اے بلوچ ءَ چہ راسک ءِ پیشن دمگ ءَ آوار جتگ.
اے بلوچ ءِ پجّار، «الیرزا ھوت» 23 سالگ، امیر بکش ءِ چُک، راسک ءِ دمگ ءَ پیشن ءِ ھوت آباد میتگ ءِ جھمنند زانگ بوتگ.
رَسانک ءِ ھال سر کنوکان ءَ گوشتگ: اے بلوچ دو روچ پیش بے گواہ بوتگ ءُ آئی ءِ لوگ ءِ مردمان ءَ، آئی ءِ ھال سرپدی ءُ شوھاز کنگ ءِ جُھد کرتگ، بلے آئی ءِ بے ساھیں جون زی سہب ءَ چہ ھوت آباد ءِ آپ ءِ منبه ءِ نزّیک ءَ دست کپتگ، لٹّ ءُ کُٹّ ءِ ٹپ ءُ نشاں آئے جون ءِ سرا ایر بوتگ.
جنوکان ءُ اے ویل ءِ پژدر داں ھنگت ءَ زانگ نہ بوتگ.
Be the first to comment