رَسانک نیوز
سئے شمبهئے رۆچا ۱۱ دئے ۱۴۰۳، یک بلۆچ جهمنندے، چه یزدئے کاشی نوین سرامئے شرکتئے کارگران، اے شهرئے اداره اتلاهاتئے نیروانی دستا آوار جنَگ و نامالومێن جاهے برگ بوتگ و چه آییئے هالا تنیگت هبرے نێست.
اے بلۆچ جهمنندئے پجّار (یاسر نوتیزهی)، کساس ۱۸ سالگ، هلیل اهمدئے چُکّ و دُزآپئے نندۆک گوَشگ بوتگ.
گێشێن هالانی رِدا، یزدئے زاتی درێسێن اداره اتلاهاتئے نیروان، یاسرش چه شرکتئے تها بێد چا آمیدگسی هُکما آوار جتگ و نامالومێن جاهے بُرتگش و آییئے لۆگئے مردمانی پدگیریئے گۆما بله چه آییئے جاه و آییئے هالا هچ هبرے نێست.
چه اے جهمنندئے جُرم و آوار جنۆکێن جُنزئے هالا تنیگت گپّے نرستگ.
Be the first to comment