نهبندانا یک بلۆچ جهمنندے پد چه اِشیا که آمیدگسا برگ بوتگ آوار جنَگ بوتگ

رَسانک نیوز

پنچشَمبِهئے رۆچا ۲۹ آزر ۱۴۰۳، یک بلۆچ جهمنندے پد چه اِشیا که نهبندانئے آمیدگسا برگ بوتگ اۆدا امنیتی نیروانی دستا آوار جنَگ و هچ هالے چه آییا نێست.

اے آوار جتگێن بلۆچ جهمنندئے پجّار (بهزاد سنچولی)، گُلامئے چُکّ، زابلئے نندۆک و دُزآپئے مردم گوَشگ بوتگ.

گێشێن هالانی رِدا، بهزاد پد چه اِشیا که یک پئیگامے چه آمیدگسئے نێمگا آییا رستگ بله امنیتی نیروانی دستا آوار جنَگ و نامالومێن جاهے برگ بوتگ.

چه اے جهمنندئے جُرما و نیروانے که بهزادش گپتگ هچ هبرے نێست.

گوشگی اِنت که بهزاد برات گۆن اے پَجّارا (پرزاد سنچولی)، ۲۹ سالگ چه ۱۴۰۳ئے شهریورئے نوزدهمی رۆچا دُزآپئے مرکزی بندیگا گۆن دگه شش مردما اے بندیگا اێدام کنگ بوتگ.