رَسانک نیوز
پنچشَمبِهئے سُهبا ۱۵ آزر ۱۴۰۳، سلاهبندێن دُزّان گۆن یک سئواری ماشینے کلچاتئے هلکا واشئے دمگان یک پژو ۴۰۵ێن ماشینے دُمبال کُرتگ و پد چه تیرگواریا ماشینش اۆشتارێنتگ و آییئے راننده سکّ ٹپّیگ بوتگ چۆ که آیی چه پادئے نێمگا ٹپّیگ بوتگ و پدا ماشینئے بارِش دُزتگ و چه اۆدا شتگ‌اَنت.
چه اے رانندهئے پجّار و آییئے هالا هچ هبرے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment