واشا کم چه کم دو بلۆچ گۆن سلاهبندێن مردمانی نێمگا کُشگ و ٹپّیگ کنگ بوتگ‌اَنت

رَسانک نیوز

شَمبِهئے رۆچا ۲۶ آبان ۱۴۰۳، کم چه کم دو جهمنندێن بلۆچ گۆن سلاهبندێن مردمانی تیرگواریان که یک پژو پارسێن ماشینیا بوتگ‌اَنت، پشتکۆها [موتور میرگلزهی]ئے هلکا واشئے شهرا گۆن تیرئے لگّگا کُشگ و ٹپّیگ کنگ بوتگ‌اَنت.

کُشگ بوتگێن جهمنندئے پجار (جما درازهی)، کساس ۴۷ سالگ، هسنئے چُکّ و واشائے نندۆک و چه ٹپّیگ بوتگێن جهمنندئے پَجّارا تنیگت هالے نێست.

گێشێن هالانی رِدا، سلاهبندێن مردم پد چه اِشیا که تیری وارتگ مردمان تیروارتگێن نادراهجاها برتگ‌اَنت جنۆک چه آ جاها تتکگ‌اَنت بله یکّے چه آیان چه بازێن ٹپّان وتی ساه چه دستا داتگ.

چه جنۆکانی جنَگئے سئوبا و آیانی پجارا تنیگت هالے نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.