یزدا سئے بلۆچ بندیگئے اێدامئے هُکم اجرا کنگ بوتگ

رَسانک نیوز

سئے شَمبِهئے سُهبا ۱۵ آبان ۱۴۰۳، کم چه کم سئے بلۆچ بندیگئے اێدامئے هُکم مئواد و کتلئے جُرما که پێسرا اێدامئے واستا مهکوم کنگ بوتگ‌اَنت یزدئے بندیگا و بندیگئے اُگدهدارانی دستا اجرا کنگ بوتگ.

یکّے چه بلۆچ بندیگانی پجّار (مهسن نژادی مگدم)، ۳۰ سالگ، هُسئینئے چُکّ، سور کُرتگێن و دو چُکّئے پت و ریگان نندۆک و چه دو بلۆچ بندیگئے پَجّار که مئواد و کتلئے واستا مهکوم کنگ بوتگ‌اَنت تنیگت هچ هالے نێست.

گێشێن هالانی رِدا، مهسن ۱۴۰۰ئے سالا، یزدا گۆن مئوادئے جُرما آوار جنَگ و چه اے شهرئے انگلابئے آمیدگسا اێدامئے واستا مهکوم و یکشمبهئے سُهبا ۱۳ آبانا گۆن دگه دو بندیگ مردما آمێن بندیگا اێوکێن بنڈیگا په اێدامئے هُکمئے اجرا کنگئے واستا برگ بوتگ.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.