رَسانک نیوز
یکشَمبِهئے سُهبا ۱۳ آبان ۱۴۰۳، اداره اتلاهات زاتی درێسێن زامیانی تیرگواری مان یک پژو ۴۰۵ێن ماشینیئے نێمگا گلشهرا کساس اسپکهئے نێمگا چه لاشارئے شهرا سئوب بوتگ کم چه کم یک مردمے کُشگ و یک مردمے ٹپّیگ و آوار جنَگ ببیت.
کُشگ بوتگێن جهمنندئے پجّار (سابر برزکار)، ماروپ په [پُلُّک] اَزیزئے چُکّ و پهرهئے مردم و چه ٹپّیگ بوتگێن مردمانی چُنتی و آیانی پَجّارا تنیگت هالے نێست.
گێشێن هالانی رِدا، زاتی درێسێن امنیتی نیروانی پد چه دُمبال کنگا ماشینئے نێمگا تیرگواری کُرتگ و سئوب بوتگ یک مردمے کُشگ و کم چه کم یکّے ٹپّیگ و آوار جنَگ ببیت.
گوشگ بیت که اے مردم بێد چه کانونی درۆشما اِشانی لۆگا شُتگ و لۆگئے مردمان پاسگاهئے سرا گوانک کُرتگ و پد چه اشیا اشانی سرا اُرش بوتگ.
Be the first to comment