یک بلۆچ کارگرے کارئے بے ایمنی و چه بنگُلهئے سرئے کپگئے گۆما بێران بوتگ

رَسانک نیوز

سئے شَمبِهئے رۆچا ۸ آبان ۱۴۰۳، یک بلۆچ کارگرے گۆن امنیتی چیزّانی نێستیا کارئے وهدا بَنگُلهئے هشتمی جاها، چه بُرزا کپتگ و وتی ساهی چه دستا داتگ.

اے بلۆچ جهمنندئے پجّار (رهیم بکش اَبدلّاهی)، ۴۵ سالگ، الیئے چُکّ، سور کُرتگێن، سئے چُکّئے پت و چاه هاشمئے جُلگهئے مردم دلگان شهرئے دمگان گوَشگ بوتگ.

گوشگ بیت که آییئے لاش چُپد چا اِشیا که چه بندرابّاس آرگ بوتگ آییئے هلکئے مردمانی دستا هاکا کنگ بوتگ.

گوشگ ببیت که مدامی کارئے نێستی و چه ایرانئے جهموری اسلامیئے نێمگا جُتایی اێر کنگ سئوب بوتگ که بازێنے چه بلۆچ جهمنندان په کارئے واستا دگه شهران برئونت که اۆدا گۆن وڑ وڑێن مشکلانی گۆما و کارانی واهُندانی رپتارئے گۆما دچار و چه بیمهئے نێستیا رنج برنت.