رَسانک نیوز
دوشمبهئے رۆچا ۲۳ مهر ۱۴۰۳، بلۆچ جهمنندے گۆن سلاهبندێن مردمانی تیرگواریان دُزآپا پازلی هئیابانا تیرانی آماچ بوتگ هما جاگها ساهی داتگ.
اے بلۆچ جهمنندئے پجّار (نجیب دهمرده)، ۳۲ سالگ، هلیمئے چُکّ و دُزآپئے نندۆک گوَشگ بوتگ.
گێشێن هالانی رِدا، اے وئیل کساس ساهت دئوازده و نێما دُزآپا پازلیئے هئیابانا پێش آتکگ که نجیب پد چه سلاهبندێن مردمانی تیرگواریان وتی ساهی چه دستا داتگ.
چه جنۆکانی جنَگئے سئوبا و آیانی پَجّارا تان انّون هچ هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment