رَسانک نیوز
سئے شمبهئے بانگواها ۱۰ مهر ۱۴۰۳، کم چه کم دو بلۆچ بندیگئے اێدامئے هُکم که پێسرا مئوادئے هُکما اێدامئے هُکم په آیان دئیگ بوتگ‌اَت، شستون و سمنانئے بندیگانی اُگدهدارانی دستا اجرا کنگ بوتگ.
هال وشّ، اے اێدام بوتگێن بندیگئے پجّار که شستونئے بندیگا بوتگ (رشید سپاهی)، ۳۳ سالگ، نسرُلّاهئے چُکّ و جالگئے مردم و بکشانئے نندۆک و چه شستونئے مردمان و سمنانئے بندیگئے اێدام بوتگێنئے پجّار (دستگیر ساسولی)، ۴۶ سالگ، دینارئے چُکّ و سور کُرتگێن و سئے چُکّئے پت و زهکئے نندۆک گوَشگ بوتگ.
همے هالانی رِدا، رشید ۱۳۹۹ئے سالا، شستونا مئوادئے جُرما، آوار جنَگ و اے شهرئے انگلابئے آمیدگسا اێدامئے واستا مهکوم کنگ بوتگ و دستگیر هم ۱۳۹۸ئے سالا مئواد جُرما آوار جنَگ بوتگ.
رشید دوشمبهئے سُهبا ۹ مهرا و دستگیر یکشمبهئے رۆچا ۸ مهرا چه آمێن بندیگا درکنگ و شستون و سمنانئے اێوکێن بندیگا په اێدامئے هُکمئے اجرا کنگا برگ بوتگ‌اَنت و هر دوێنانی لۆگانی مردمان دوشمبهئے رۆچا ۹ مهرا وتی مردمئے گۆما آهری گندک کُرتگ.
گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.
Be the first to comment