رَسانک نیوز

جُمَهئے رۆچا ۳۰ شهریور ۱۴۰۳، دو بلۆچێن برات اسدیهئے شهرا زرباری هراسانئے اُستانا گۆن چانکوئے کۆما یکّے چه وتی نزّیکانی اُرُشئے آماچ بوتگ که همِشیئے سئوبا یکّے چه آیان ٹپّیگ و یکے بێران بوتگ.

بێران بوتگێن جهمنندئے پجّار (مهدی نهتانی)، ۳۱ سالگ، سور کُرتگێن و دو چُکّئے پت اسدیهئے شهرئے نندۆک و ٹپّیگ بوتگێن براتئے پجّار (زاهر نهتانی)، ۳۳ سالگ، دُزآپئے نندۆک و هر دوێن نادرئے چُکّ بوتگ‌اَنت.

همے هالانی رِدا، زاهر انّوگان وتی لۆگئے مردمانی گندگا که اسدیهئے شهرا بوتگ‌اَنت که گۆن وتی یکّے چه نزّیکانی گۆما که جێڑهی بوتگ، گۆن وتی برات چانکوئے گۆما جنَگ بوتگ و پد چه ٹپّیگ بئیگا بیرجندئے نادراهجاها برگ بوتگ و آییئے برات هم چانکوئے ورگئے گۆما جاه په جاه وتی ساهی چه دستا داتگ.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.