رَسانک نیوز
دُزآپئے مرکزی بندیگئے اُگدهدار و بلۆچستان و سیستانئے اداره اتلاهات گۆن یک بلۆچێن سیاسی و اگیدتی بندیگیئے آزار و ازیت کنگا که په آییا ۲۰ سال بندیگ دئیگ بوتگ و آییئے چُنت رندا چه اے بندیگا په دگه بندیگیا جابجا کنگ بوتگ چه آییئے مُرخسیئے هُکما دێمگیری کنگ بوتگ.
اے بندیگێن سیاسیئے پجّار (جُنئید چاکری)، ۳۳ سالگ و چهبارئے نندۆک گوَشگ بوتگ.
گێشێن هالانی رِدا، جُنئید چاکری ۱۳۹۶ئے مردادئے ۲۳می رۆچا گۆن اے جُرما (گۆن اپوزیشن گلانی همکاری و باسکی) چهبارئے اداره اتلاهاتئے نیروانی دستا آوار جنگ و پد چه آییا دُزآپئے بندیگا برگ و چه بازێن شکنجه و زۆراکیئے سرئے مَنّگا پد، دُزآپئے مرکزی بندیگا برگ بوتگ.
اے جهمنندێن بلۆچ، ۱۳۹۸ئے سالا چه دُزآپئے انکلابئے ائولی شاهئے آمیدگسا په بیست سالئے بندیگئے واستا هُکم دئیگ بوتگ.
گوشگی اِنت که جُنئید گۆن چُنت سالئے بندیگئے گوازێنگئے گۆما و آییئے رُخستئے شرتئے بئیگئے گۆما، په اِشیئے واستا که دُزآپئے اداره اتلاهات دێمگیری کنگا اِنت چه رُخستا زبهر بوتگ و رند چه ۹می بندئے پچ کنگا اے بندا برگ بیت و مزهبی اگیدت و ریش دارگئے واستا پشارئے تها کنگا اَنتی.
گوشگی اِنت که آییا همے نۆکان اِشیئے واستا که ریش کسان نکرتگ‌اَنت بندیگئے ۹می بندا برگ بوتگ و اے بندئے تها گۆن لهتێن بندشانے که اے دگه بندگانی واستا اێر کنگ بوتگ همے بندا دارگ بیت.
Be the first to comment