رَسانک نیوز

گوَستگێن رۆچا ۷ شهریور ۱۴۰۳، موتور سئوارێا بلۆچئے نێمگا جهلی بۆٹیا دمگ چهبارا تیرگواری کرتگ که آ گۆن تیرئے ورگا سکّ ٹپّیگ بوتگ گۆن تیر ورگا ساهی داتگ.

بێران بوتگێن بلۆچئے پجّار (اَهتر بلۆچ)، ۳۵ سالگ، مهمدئے چُکّ و بلۆچستانئے شگربی دمگا گومازی کێچئے مردم و بۆتیئے هلکئے نندۆک چهبارئے دمگان گوشگ بوتگ.

اے وئیل کساس ساهت یکّا و وهدے که دو موتور سئوار جهلی بۆٹیئےهلکا پلانئے دوراهیا چهبارئے دمگان گۆن تیرگواریان اَلی تیرانی آماچ کُرتگ، پێش آتکگ.

گوَشگ بیت که آییا گۆن چُنت تیرئے لگّگا گردن و سێنگا وتی ساه چه دستا داتگ و چه جنۆکانی پجارا و جنَگئے سئوبا هچ هالے نێست.

گوشگی اِنت که همے چُنت سالئے تها بازێنےبلۆچ سیاسی مردمان دوێن بلۆچستانئے نێمگان نامالومێن سلاهبندێن مردمانی دستا که پاکستان و اێرانئے امنیتی نیروانی ائوار اَنت کُشگ بوتگ‌اَنت.