رَسانک نیوز

پنچشمهبئے رۆچا ۱ شهریور ۱۴۰۳، گۆن اداره اتلاهاتا دمگ چهبارا، مێتگ کئورکُچا هَند دشتیاریا دو بلۆچ براتئے لۆگ سرا ابێد چه آمیدگسی هُکمئے پێش دارگا آیانی جُرم پجار کنگا، آوار جَنگ نامالومێن جاهے جنگ برگ بوتگ.

اے دوێن براتانی پجّار (هنیپ جدگال)، ۲۳ سال انتی، انگت سوری نکُرتگ و (شریپ جدگالا)، ۱۹ سال انت، آییا سور نکُرتگ و هر دوێن سئیدمهمدئے چُکّ و کئورکچئے هلکئے مردم انت دمگ پیرسهراب و چهبارئے نندۆک بوتگ.

سربوتگێن هالانی رِدا، چهبارئے اداره اتلاهاتئے نیروان گۆن زاتی پُچ و ماشینان، ابێد چه آمیدگسی هُکمئے پێس دارگا هنیپ و شریپ، دوێن برات لۆگا و واب بوتگ‌اَنت، آوار جتگ و آیانی لۆگِش هم پَٹّ و پاس کرتگ‌اَنت.

گوَشگ بیت که لۆگئے مردم هم واب بوتگ‌اَنت و نزامی نیرو ابێدا لۆگئے سرا اُرش کرتگ آیان هئیالِش کُرتگ که دُزّان لۆگئے سرا اُرش بُرتگ سکّ تُرستگِش و نزامی نیروان ابێد چه اِشیا که آیانی آوار جنگئے سئوبا بگوَشنت و ابێد چه پَسّئوا چه اۆدا شتگ‌اَنت.

چه اے دوێن براتانی جُرما تان انّون هچ هالے نێست.