رَسانک نیوز

یکشمبهئے رۆچا ۲۸ مرداد ۱۴۰۳، درگسئے هلکا دشتیاری و راسکئے راها یک ٹێلکشّێن ماشینے چپ بئیگئے سئوبا ماشینئے راننده ٹپّیگ و نادراهجاها برگ بوتگ.

اے ٹپّیگێن ٹێلکشّئے پجّار (اَبدُل مالک آسکانی)، ۲۲ سالک، سور نکُرتگێن و راسکئے نندۆک گوَشگ بوتگ.

گێشێن هالانی رِدا، اَبدُل مالکئے ماشین درگسئے هلگا گۆن نامالومێن مشکلے چه وتی راها درآتکگ و چپ بوتگ که رَند چه اِشیا که ٹپّیگ بوتگ نادراهجاها برگ بوتگ.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.