رَسانک نیوز
پنچشمبهئے رۆچا ۱۸ مرداد ۱۴۰۳، نزامی و امنیتی نیروانی اُرش برگ شێرآبادئے هلکا دُزآپئے دمگان یک لۆگیئے سرا که یک بلۆچێن جهمنندے آوار جنَگ و نامالومێن جاهے برگ بوتگ.
اے جهمنندێن بلۆچئے پجّار (سهید براهویی)، ۲۸ سالگ، گُلام هئیدرئے چُکّ و دُزآپئے نندۆک گوَشگ بوتگ.
همے هالانی ردا، کساس سُهبئے ساهت ششا، نزامی نیرو و اهتلاهات انتزامیئے نیرو گۆن بازێن ماشینے یک لۆگیئے سرا پیربکش ۱۳ئے هئیابانا ائولی میلانا شێرآبادئے هلکا دُزآپئے دمگان اُرش برتگ و یکّے چه لۆگئے مردمان آوار جتگ و گۆن وتا نامالومێن جاهے بُرتگِش.
چه آییئے جُرم و آییئے دارگئے جاها تان انّون هچ هالے نێست.
Be the first to comment