رَسانک نیوز

سئے شمبهئے رۆچا ۱۶ مرداد ۱۴۰۳، زاتی درێسێن اتلاهات سپاهئے نیروان واشئے سئے راهیئے سرا یک رهگوَزێن پژو ۴۰۵ئے سرا ابێد چه پێسری هُشدار و اۆشت دئیگا راستێن تیرگواری کُرتگ که یک باردارێن جنێنے چه ماشینئے مردمان یکێن جاهے ساه دنت و یک پنچ سالگێن چُکّے گۆن ٹپّانے که آییئے جانا بوتگ‌اَنت نادراهجاهئے راها وتی ساها چه دستا دنت و آ دگه سئیێن ماشینئے نندۆک که یکّے چه آیان چُکّے سکّ ٹپّیگ بوتگ‌اَنت و یکّے چه آ دگران اتلاهات سپاهئے نیروانی دستا آوار جنَگ بوتگ.

بێران بوتگێن جنێنئے پجّار (نازیلا ایرندگانی [مارندگانی])، ۲۵ سالگ، نادرئے چُکّ و بێران بوتگێن چُکّے پجّار (تینا نسیری)، ۵ سالگ، شهرامئے چُکّ و ٹپّیگ بوتگێنانی پجّار (مهمد پاروک نسیری)، ۸ سالگ، شهرامئے چُکّ، (مهمد ایرندگانی)، ۲۹ سالگ، اهمدئے چُکّ و (شهرام نسیری) کساس ۳۰ سالگ گوشگ بوتگ‌اَنت.

گۆن امنیتی نیروانی تیرگواریان و اے لۆگئے مردمانی کُشگ و ٹپّیگ بئیگئے گۆما، شهرام نسیری چه ٹپّیگ بوتگێن مردمان اتلاهات سپاهئے دستا آوار جنَگ و نامالومێن جاهے برگ بوتگ.

نازیلا ایرندگانی باردار بوتگ و گۆن وتی مردێن و چُکّان وتی زاتی ماشینئے گۆما رئوگا بوتگ‌اَنت که اتلاهات سپاهئے نیروانی دستا ابێد چه پێسری هُشدار و اۆشت دئیگا گۆن تیرگواریانی گۆما، آیی گۆن چُنت تیرئے لگّگا وتی ساه چه دستا داتگ و آییئے پنچ سالگێن جنێن چُکّا که آییئے دێما تیران لگّتگ نادراهجاهئے راها وتی ساه چه دستا داتگ و آییئے هشت سالگێن چُکّا و آییئے مردێن و آ دگه همراها تیر وارتگ سکّ ٹپّیگ  و نادراهجاها برگ بوتگ‌اَنت و آییئے مردم شهرام اداره اتلاهات سپاهئے نیروانی دستا آوار جنَگ و نامالومێن جاهے برگ بوتگ.

گوشگی اِنت گۆن اتلاهات سپاهئے اے جنایتئے گۆما، واشئے انتزامی پرماندها درۆگێن و کندگ دارێن رسانکیئے تها چۆ گوَشتگ واشئے پلیسئے سلاهبندن درگیری گۆن یک پژوێن ماشینیئے نندۆکانی که (دو کاتلێن کس آییئے تها بوتگ‌اَنت) بوتگ و ادامهئے تها اے کُشگ و ٹپّیگ بوتگێنانی بارئوا گۆن درۆگێن گپّان گوشتگی: اے درگیریئے تها یک جنێنے که پلیسئے نێمگا تیرگواری کُرتگ گۆن تیرئے ورگا وپاتی کُرتگ و کاتلانی دو چُکّ ٹپّیگ بوتگ‌اَنت.

گۆن ۲۰۲۳ئے سالائے جم بوتگێن هالان، نزامی نیروانی راستێن تیرگواری سئوب بوتگ که کم چه کم ۱۲۰ بلۆچێن جهمنند کُشگ و ٹپّیگ کنگ ببیت. اِشانی تها ۸۰ کسا وتی ساه چه دستا داتگ و ۴۰ کس ٹپّیگ بوتگ که اِشانی تها ۹ گوَنڈێن چُکّ و ۳ جنێن هست‌اِنت.