رَسانک نیوز
مرۆچی یکشَمبِه ۷ مرداد ۱۴۰۳، بلۆچ راجی مُچیئے دێم دارگا دگه ھر وڑێن زۆراکیانی ھئواریا پاکستانی لشکرا سرجمێن گوادر و کێچئے دامگ بند کُرتگ‌اَنت.
ھالکارانی رِدا گوَستگێن مگربا چه دامگ بند کنگ بوتگ‌اَنت انترنیت وَه چۆناها بیست شش جولائیئے بێگاها چه بند اَنت ھمے ھاترا نۆکترێن ھال مارا سر بئیگا نه‌اَنت.
دگه نێمگان چه سربوتگێن ھالانی رِدا پاکستانی لشکرا سرجمێن دکان ھۆٹل بند کُرتگ‌اَنت تانکه کس وردنی چیز زُرت مکنت. سرجمێن شھرا “کرفیو” جنگ بوتگ ھرچ دمک و دگانی سرا لشکرئے کارمند اۆشتاتگ‌اَنت انچۆ گمان بیت که پاکستانی لشکرا گوادر جنگی پڑے جۆڑ کُرتگ.
بلوچستانئے جتاجتاێن دمگان چه درآتکگێن کاروانانی تها لهتێن گوادرا سربوتگ. وھدے که دگه سکّ باز گاڑی نلێنٹ و تلارئے چک پُسٹان پاکستانی لشکرا داشتگ آیانی سرا تیرگواری و زۆراکیئے ھال ھم پێداگ‌اِنت وھدے که لشکرا گاڑیانی ٹایر ھم تیر جتگ و تراکێنتگ‌اَنت. سکّ باز مردمان پئیادگ سپر کُرتگ و وتا گوادرا سر کُرتگ.
Be the first to comment