بزمان ئے راہ ءَ چه ٹیلئے گاڑییے لیٹ ورگ ءَ ٹیلکشّیں بلوچے ساہ داتگ

رَسانک نیوز/ یکشمبے روچ 17 آبان ماہ 1405، بزمان ئے راہ ءَ سهرکان دمگئے نزّیکا چه ٹیل ءَ بار گاڑییے لیٹ ورگ ءَ ٹیلکشّیں بلوچیا ساہ داتگ. اے ویل رَند چه اشیا که گاڑییے ٹایر اچانک ءَ ترکّتگ پیش آتکگ ءُ گاڑی چه راہ ءَ ڈنّ بوتگ ءُ لیٹی وارتگ، چه ویلئے زورا ورنائیں ڈریور ءَ ساہ داتگ.

اے بلوچئے پجّار «امید شه‌بکش»، کِساس 26 سالگ، ھدا‌رھم ئے چُک ءُ پهرہ ئے نندوک زانگ بوتگ.

سربوتگیں ھالانی رِد ءَ، اے گاڑی که گازوییل ءَ بار بوتگ ءُ بزمان ئے راہ ءَ سهرکان دمگئے نزّیکا روگ ءَ بوتگ که اچانک ءَ ٹایری ترکّتگ ءُ گاڑی ءَ لیٹ وارتگ.

ٹیلکشّئے نزّیکیں مردمیا گوشتگ: امید شه‌بکش جپاکشّیں ورنایی بوتگ ءُ په وتی لوگئے مردمانی مالی جنجالانی دیمپانی ءَ ٹیلئے کشّگ ءَ دلگوش بوتگ. اے سیاد ءَ ویل ئے سرا چمشانک داتگ ءُ گوشتگ: بزمان ئے راہ ءَ گازوییل ءَ بار گاڑییے ٹایر ترکّتگ ءُ گاڑی ءَ لیٹ وارتگ ءُ اے ورنایا ساہ داتگ.