بزمان ءَ چئیریں ادارھئے ٹولییا نوک ورنائیں بلوچے دزگیر کرتگ؛ لوگئے مردم چه آییئے ھالا بے سرپد ئے اَنت

رَسانک نیوز/ پنچشمبے 7 آبان ماہ 1405، نوک ورنائیں بلوچے که سئے شمبے 5 آبان ماہ ءَ چئیریں ادارھئے ٹولییا چه بزمان ءَ دزگیر کرتگ، دزگیر بوھگئے دو روچ ءَ پد داں انگتا ھاندان ءُ لوگئے مردم چه آییئے ھالا بے سرپد ئے اَنت.

اے نوک ورنائیں بلوچئے پجّار «زکریا نارویی»، 18 سالگ، گل‌مهمد ئے چُک، بزمان ئے جهمنند زانگ بوتگ.

سربوتگیں ھالانی رِد ءَ، 5 آبان ماہ 1405 ءِ بیگاہ ءَ، چئیریں ادارھئے ٹولییا بزمان ءَ لِهمکارییے دکان ئے سرا اُرش کرتگ ءُ زکریا که ھمے دکان ءَ کار ءَ بوتگ بید چه سرکار ئے ھکم ءُ کئسور ءُ مئیار ئے گوشگ ءَ دزگیر کرتگ ءُ چئیریں جاگهی برتگ.

چه دزگیر بوھگ ءَ بگر داں ھمے وھدا ھچ پئیمیں روژنیں ھالے آییئے بارئوا ھاندان ءُ لوگئے مردمان ءَ دیئگ نه بوتگ ءُ لوگئے مردم چه آییئے جاوراں بے ھالے سرپد ئے اَنت.