میناب ءِ بندیگجاہ ءَ بلوچیں بندیگے په «راھانی پلیسئے کوش» ئے تهمت ءَ پاھو دیئگ بوتگ

رَسانک نیوز/ سئے شمبے 21 مهر ماہ 1405، هرمزگان سوبها میناب ءِ بندیگجاہ ءَ بلوچیں بندیگے که پیشترا په راھانی پلیسئے کوش ئے الزاما، کوش ئے بدلا کوش ئے ھُکمی وارتگ، پاھو دیئگ بوتگ.

اے بلوچیں بندیگئے پجّار «ابولهسن رنجبر»، 39 سالگ، میناب ءِ سرمست دمگئے نندوک زانگ بوتگ.

بلوچستان ئے انسانی ھکّانی کانال ئے ھالانی رِد ءَ، آیی دی ماہ 1402 ءَ دزگیر ءُ هرمزگان سوبهئے جرمان ءَ ھکم دیوکیں آمیدگِس ئے یکمیں بهر ءَ په راھانی پلیسئے کارمند ستوان سئے جاسم ھسینیان ئے کوش ئے الزاما پاھو ئے ھُکمی داتگ.

رنجبر وتی گوہار ئے ھوری ءَ چه گُد دوچگ ئے دکان ءَ پدترّگ ءَ بوتگ که آییئے دیم جاسک ءُ میناب ءِ راھانی پلیس ءَ داشتگ. ھال زانتی ءَ گوشتگ: پلیسئے کارمندیا چه گاڑییے دریگ ءَ ابولهسن جتگ ءُ داشتگ. ابولهسن وتی رکّینگ ئے جُهد کرتگ که ھمے وھدا اے پلیسئے کارمند مُرتگ.

سرکاری زمّهواران ءَ اے ویل ئے ھُردیں بهر وڑ وڑا گوشتگ؛ میناب ءِ پرماندار ءَ چه گاڑییے کاگد ءُ پلیٹ نمبر ئے پٹ ءُ چار ئے گپ جتگ، گوں اشیا که انتزامی سروک ءَ گوشتگ ڈریور ءَ په اُوشت ئے جار ءَ دلگوش نه داتگ. گوں اے جاوراں پرمندھئے سجّهیں بهر ءُ اِنساپ ءِ جاور په شرّی ءُ تَچکیا شِنگ نه بوتگ اَنت.