بندراَبّاس ءَ بے پجّاریں مردمان ءَ بلوچے کارچ کرتگ ءُ کُشتگ

رَسانک نیوز/ مروچی جمے 10 مهر ماہ 1405 ءِ سُهب ءَ، بندراَبّاس ءَ بلوچے چه بے پجّاریں مردمانی اُرش ءُ کارچ کنگ ءَ ساہ داتگ. اے بلوچ که بندراَبّاس ءَ کارگری کرتگ، په کریها جهمنند بوتگ ءُ ھماں وھدا که ٹیلئے جاگه ءَ روگ ءَ بوتگ اُرش ئے دپ ءَ کپتگ.

رَسانک ءَ اے بلوچئے پجّار «اسماییل نسرتی»، 21 سالگ، ھدابکش ئے چُک، پنوچ ئے کتیچ دمگئے نندوک زانتگ.

رَسانک ءِ ھال سرکنوکانی رِد ءَ، اسماییل سباھئے ساھت پنچ ئے وھدا په وتی گاڑی ءَ ٹیلئے جَنَگ ءَ بلال ٹیلئے جاگه ءَ روگ ءَ بوتگ که بے پجّاریں مردمان ءَ آییئے سرا اُرش کرتگ، آییا ماں دل ءَ کارچ وارتگ ءُ ساہ داتگ.

داں انگتا جنوکانی پجّار ءُ آیانی سئوب ئے بارئوا گیشتریں ھالے دست نه کپتگ.