رَسانک نیوز/ مروچی دوشمبے 26 مرداد ماہ 1405، نوک ورنائیں بلوچی کہ جمے 23 مرداد ماہ ءِ شپ ءَ چہ کنرک ئے زیباشهر دمگ ءَ سلاہ بندین ءُ پجّار نہ بوتگیں مردمان ءَ آوار جتگ ءُ چئیریں جاگهی بُرتگ، ویل ءَ رَند داں انگتا آییئے ھچ پئیمیں ھالے سرپد ئے دست نہ کپتگ.
رَسانک ءَ اے نوک ورنائیں بلوچئے پجّار «رامین پهردل»، کِساس 18 سالگ، رھیم بکش ئے چُک، کنرک ءِ نندوک زانتگ.
رَسانک ءِ ھال سرکنوکانی رِد ءَ، کنرک ئے زیباشهر دمگ ءَ نگرہ رنگیں پژو گاڑیئے سلاہ بندیں نندوکان ءَ آیی گوں سلاہ ءَ بیهار ءُ لٹ ءُ شاپ کرتگ. اشیا رَند پہ زور وتی گاڑی ءَ سوار کرتگ ءُ چہ جاھا دَر شُتگ اَنت.
ھال سرکنوکان ءَ گوَشتگ کہ دہ ءُ یازدہ سالگیں چُنت چُک کہ چمّاں وت اے ویل ءَ دیستگِش، بُن گپّ ءَ رامین ئے لوگ ءَ سرِش کرتگ. اے ویل ھماں وھدا پیش آتکگ کہ پیش چہ اشیا رامین ءَ گوں ھچ کس ءَ جیڑہ ءُ جنجالی نہ بوتگ.
Be the first to comment