رَسانک نیوز/ چارشمبے 6 اسپند ماہ 1404، گہ ءَ بسیج ءِ بُنجاہ ءِ یکی چہ جھمنندیں کمانڈران ءَ سلاہ بندیں مردمان ءَ آوار جتگ، ویل ئے چار روچ ءَ پد داں انگت ءَ آئی ءِ ھچ پیمیں ھالے دست نہ کپتگ۔ اے گپّ ءَ لوگئے مردمانی دل پریشانی گیش کرتگ۔ ھاندان ءُ لوگئے مردمان ءَ چہ زمہ واریں ادارہ آن ءَ اُمیت بستگ کہ پہ آئی ءِ شوہاز کنگ ءَ اَسَر مندیں گامگیجی زور اَنت، بلے زمہ واران ءَ اے باراوا ھچ وڑیں کاروایی نہ کرتگ.
رَسانک ءَ اے بلوچئے پجّار «شیرمهمد رئیسی»، 45 سالگ، چارشمبے چُک، آروس کرتگ ءُ زھگانی پت، بُندر ءَ گہ ئے نندوکیں مردمی زانتگ.
رَسانک ءِ ھال سرکنوکان ءَ گوشتگ، تاریک 2 اسپند ماہ ءِ ساھت 12 نیم روچ ءَ پد چہ ایشی ءَ کہ چہ گِہ ئے ڈنّ سرکاری مزن وانگجاہ ءَ در کپتگ، پژو 405 گاڑی ئے نندوکاں آئی ءِ پدا کپنت ءُ پیسر چہ پلیس راہ ءَ آئی ءِ دیم ءَ دار اَنت ءُ گوں وت بر اَنت.
ھال سرکنوکانی رِد ءَ، شیرمهمد بید چہ ایشی ءَ کہ بسیج ءِ بُنجاہ ءِ کمانڈر بوتگ، ڈنّ سرکاری شہدربر جاہ ئے ٹیہکداری ھم بوتگ. گوں ایشی ءَ کہ اے ویل ءَ چُنت روچ گوستگ بلے زمہ واریں ادارہ آن ءَ پہ آئی ءِ شوہاز کنگ ءَ با اسریں گامگیجی نہ زورتگ ءُ اے جاور ءَ آئی ءِ سر نبشت ءِ بابت ءَ دل پریشانی گیش کرتگ.
Be the first to comment