رَسانک نیوز/ پنچشمبے 23 بہمن ماہ 1404 ءِ شپ ءَ پہرہ ءَ بلوچی کہ وتی گاڑی ءَ گوں پہرہ ئے شہر ءَ روگ ءَ بوتگ، سلاہ بندین ءُ بے پجّاریں مردمانی اُرش ءُ تیرگواری ءَ ساہ داتگ.
اے بلوچئے پجّار «مهمد کاسمی»، 25 سالگ، اَلی ئے چُکّ، آروس کرتگ ءُ بُندر ءَ پہرہ ئے نندوک زانگ بوتگ.
اے ھالئے رِد ءَ، مهمد ساھت 20 ءَ وتی گاڑی ءَ گوں پہرہ ئے شہر ءَ روگ ءَ بوتگ کہ سلاہ بندین ءُ پجّار نہ بوتگیں مردمان ءَ آئی ءِ سرا تیرگواری کرتگ، مهمد ءَ تیر وارتگ ءُ گاڑی چہ وتی راہ ءَ ڈنّ بوتگ، پد چہ ایشی ءَ جنوکاں آئی ءِ نزّیک ءَ شُتگ اَنت ءُ چُنت تیر آئی ءِ سینگ ءَ جتگ ءُ کُشتگ.
داں انگت جنوکانے پجّار ءُ آیانی سوب چہ اے کار ءَ زانگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment