وتی چُکّان ءَ وت باوری بدئیت

رَسانک نیوز/ ماتی زبان، دود، ربیدگ زھن ءُ پِگر ئے آدینک اِنت. اگاں کہ ماں وانگجاہ آں، میڈیا، کتابان ءُ … بلوچی زبان کارمرز نبیت، بلے آیان ءَ بگوشیت کہ مئی بُنکی ءُ ماتی «بلوچی زبان» اِنت ءُ آیان ءَ گوں بلوچ راج ئے دود ءُ راج دپتر ئے ارزشت آں شناس بکن‌ات.

ایشی پِت ءُ ماتانی زمہ واری اِنت کہ چہ ھماں گونڈی ءَ چُکّ ءَ گوں وتی ماتیں زبان ءَ شُناس به کن‌انت ءُ وانگ ءُ نبیسگ ءَ یات بدیئنت.

مات ءُ پِت باید اِنت چُکّ ءَ وت باوری بدیئنت کہ پہ بلوچی زبان ءَ ھبر بکنت داں اِداں کہ چُکّان ءَ سوج بدیئنت، دری چُکّاں گوں گوازی یے وھدا ھم بلوچی ھبر بکن‌انت ءُ وتی زبان ءُ دود ئے سرا پھر ببند اَنت.

بیھال مکنیت کہ نود سال ءَ بُرز اِنت کہ پہ مئی پجّار ئے نزور کنگ ءَ بُن مالئے مُچّی ءَ ھور ما را اے باور دیگ بوتگ کہ آریایی زات ءُ پُشت، چہ سجّهیں زاتان ءُ پارسی زبان چہ سجّهیں زباناں بُرزتر اَنت. باید اِنت وتی راج دپتر ءُ دود ءِ بارَوا چُکّاں ءَ سرپدی بدئیں.