رَسانک نیوز/ چارشمبے 29 بہمن ماہ 1404، بلوچی کہ ماں تاریک 22 بہمن ماہ ءَ سلاہ بندیں مردمان ءَ چہ دُزاپ ءِ مزاری روڈ ءَ آوار جتگ، چار روچ آزار ءُ لٹ شاپ ءَ رَند ماں 26 بہمن ماہ ءَ دُزاپ ءِ نادارہجاہی ئے یلاک دیگ بوتگ۔ چہ ٹپّانی باز بوھگ، گُٹّگانے کار ءَ کپگ ءُ تَہی ٹپّ ءُ ٹوران ءَ ساھی داتگ.
رَسانک ءَ اے بلوچئے پجّار «مهمد کمبرزھی»، کِساس 35 سالگ، اھمد ئے چُک، دُزاپ ءِ نندوکیں مردمی زانتگ.
رَسانک ءِ ھال سرکنوکان ءَ گوَشتگ: اے دوراں کہ مھمد آوار جنوکانی دست ءَ بوتگ آئی ءِ گُٹّگ گوں سوچن ءَ چہ کار ءَ دور دیگ بوتگ اَنت۔ ھمیں وڑا آئی ءِ جون ءَ سوچک ءُ لٹ شاپ ءِ پد ءُ نشاں ایر بوتگ۔ رَند چہ ایشی ءَ کہ مھمد ئے سیاد ءُ دمگ ئے بابہروسہ این ءُ اسپیت ریشان ءَ آوار جنوکانی پجّار زانتگ، گُڑسرا آوار جنوکان ءَ ماں تاریک 26 بہمن ماہ ءَ، آئی دُزاپ ءِ نادراہجاہ یئے دیم ءَ یلاک داتگ ءُ شُتگ اَنت.
ھال سرکنوکان ءَ گوشتگ: گُڑسریں سئیں روچاں، آئی ماں نادراہجاہ ءَ بستر بوتگ۔ بلے ٹپّانی باز بوھگ، گُٹّگانی چہ کار کپگ ءُ تہی تاوان آں مھمد ءَ زندگ بوھگ ئے موہ نداتگ.
Be the first to comment