شستون ءُ چھبار ئے راہ ءَ نزامی ٹولی ءَ سئے بلوچ دزگیر کرتگ/ آیانی دارگ ئے جاگہ زانگ نہ بوتگ

رَسانک نیوز/ جمے روچ 24 بہمن ماہ 1404، سئے بلوچ کہ چہ شستون ءَ دیم پہ چھبار ءَ روگ ءَ بوتگ اَنت، نزامی ٹولی ءَ دزگیر کرتگ اَنت ءُ آیانی سرنبشت ءُ دارگ ئے جاگہ داں انگت ءَ زانگ نہ بوتگ.

اے بلوچانی پجّار «مهدی گمشادزھی»، کِساس 22 سالگ، ھیئرمھمد ئے چُک، آروس کرتگ ءُ یک زھگئے پِت، «یاسین مھمدی»، کِساس 30 سالگ، ابدلگپور ئے چُک، «سئید ھُسین‌بُر» ھر سئے شستون ئے نندوکیں مردم زانگ بوتگ اَنت.

اے ھالئے رِد ءَ، سئیں بلوچان ءَ لوٹتگ گوں وتی زاتی سواری گاڑی ءَ چہ شستون ءَ دیم پہ چھبار ءَ برو اَنت، ھمیں دوراں نزامی ٹولی ءَ دزگیر کرتگ اَنت ءُ ایشی ءَ پد لوگئے مردم گوں آیاں نہ جُڑتگ اَنت۔ تاں کہ یکی چہ آیاں گوں  لوگا جُڑتگ ءُ وتی دزگیر بوھگئے ھالے داتگ اَنت۔ آئی ءَ وتی باراوا نہ گیشتریں ھالے داتگ ءُ نہ کہ دزگیر کنوکیں ادارھی نامی گِپتگ، ھمیں وڑا دارگ ئے جاگہ ئے بابت ءَ گپّی نہ جتگ.

داں انگت ءَ آیانی دزگیر کنگئے سوب، دزگیر کنوکیں ادارہ ءُ انّیگیں جاور زانگ نہ بوتگ اَنت. لوگئے مردمان ءَ تاں اے وھدا ھچ پیمیں ھالی دست نہ کپتگ.