دُزاپ ءَ گاڑی یے نندوکیں مردمان ءَ گوں کارچ ءَ دو بلوچ کُشتگ ءُ ٹپیگ کرتگ

رَسانک نیوز/ جمے 24 بہمن ماہ 1404 ءِ بیگاہ ءَ، دُزاپ ءِ مُئلّم ءُ بزرگمھر روڈ آنی دو میان ءَ اسپیتیں لاماری گاڑی یے نندوکان ءَ گوں کارچ ءَ دو بلوچئے سرا اُرش کرتگ۔ اے اُرش ءَ یک بلوچی کُشگ ءُ یکی دگہ ٹپیگ بوتگ.

کُشگ بوتگیں بلوچئے پجّار «اِرپان کریم‌دادزھی »، 21 سالگ، اَلیرزا ئے چُک، ٹپیگ بوتگیں بلوچئے پجّار «اھسان کریم‌دادزھی»، 25 سالگ، ابدلمجید ئے چُک، ھر دو دُزاپ ءِ نندوکیں مردم زانگ بوتگ اَنت.

رَسانک ءِ ھال سرکنوکانی رِد ءَ، جنوکاں کہ گوشگ بیت پنچ نَپَر بوتگ اَنت چہ گاڑی ءَ ایئر کپگ ءَ رَند اے دوئیں بلوچئے سرا کہ سیاد بوتگ اَنت گوں کارچ ءَ اُرش کرتگ ءُ جتگ. اے اُرش ءَ اِرپان ءَ کارچ وارتگ ءُ سکّ ءَ ٹپیگ بوتگ۔ دُزاپ ءِ ھاتم نادراہجاہ ءَ سر بوھگ ءَ ساھتی ءَ پد، چہ بازین ءُ جُہلیں ٹپّان ءَ ساہ داتگ۔ اھسان ءَ ھم اے ویل ءَ کارچ وارتگ ءُ ٹپیگ بوتگ کہ آئی ءِ درمان دیم روان اِنت.