رَسانک نیوز/ دوشمبے روچ 20 بہمن ماہ 1404، راجی پدائیانی سنگر ءَ تلگرام ئے پتّر ءَ ماں وتی تاک ءَ واش ءِ امام ھُمینی روڈ ءَ پراجا ئے رینجرز ماڑی یے دیم ءَ پژو سواری گاڑی ئے سرا اُرش ءِ زمہ واری ءَ منّتگ۔ اے گاڑی سلاہ بندیں مردمانی تیرگواری ئے دپ ءَ کپتگ.
اے ویل ھماں وھد ءَ پیش اَتکگ کہ واش ءِ ھُمینی روڈ ءَ پراجا رینجرز ئے ماڑی ءِ دیم ءَ رژیم ئے ھِلاپیں گل ءِ پدائیان ءَ پژو سواری گاڑی داشتگ ءُ گاڑی ءَ نندوکیں مردمانے سرا تیرگواری کرتگ۔ سرکاری میڈیا ءَ سئے کارمند ئے ٹپّیگ بوھگئے ھال شِنگ کرتگ، بلے امنیتی سروک آن ءَ اے باراوا وتی پد کِرد نہ داتگ.
دیمترا رَسانک ءِ ھال سرکنوکان ءَ گوشتگ اے گاڑی ءَ دو سادہ پوشیں کارمند ءُ یک چریکی نندوک بوتگ اَنت۔ سادہ پوشیں دوئیں کارمند یکی اِنساپ ئے ءُ آں دگہ انتزامی ادارہ ئے کارمند بوتگ اَنت۔ سربوتگیں اَکس ءُ بُت آن ءَ سرکاری گاڑی ئے سرا تیر آنی پد ءُ نشان درا بوتگ.
Be the first to comment