رَسانک نیوز/ یکشمبے 19 بہمن ماہ 1404، چھبار ءَ بلوچی کہ 30 روچ دیمترا دزگیر کنگ بوتگ بید چہ میئار ءُ کَسُور ئے گوشگ، اِنساپ ئے جاور ئے زانگ بوھگ ءَ ماں اے شہر ئے بندیگجاہ ءَ دارگ بوتگ۔ امنیتی ٹولی ءَ اے بلوچ ماں تاریک 19 دی ماہ ءَ دزگیر کرتگ۔ بندیگ بوھگئے ماھی ءَ پد داں انگت ءَ آئی ءِ سرا بستگیں پروندہ زانگ نہ بوتگ ءُ نہ کہ ھاندان ءَ آئی ءِ باراوا پکّائیں ھالے دست کپتگ.
اے بلوچئے پجّار «مُستپا چندپندہ»، 23 سالگ، اسھاک ئے چُک ءُ چھبار ئے نندوکیں مردمی زانگ بوتگ.
اے ھالئے رِد ءَ، مُستپا جمے نماز ءَ پد ھماں وھدا کہ آزاتیں پوٹ ءُ پلاژ ئے تیاب ءَ شُتگ، امنیتی ٹولی ءَ بید چہ آئی ءِ کسور ءُ میئار ئے گوشگ ءَ دزگیر کرتگ ءُ چیئریں جاگہے برتگ.
لوگئے مردم ءُ سیادانی رندگیری ءَ پد، اے گپّ زانگ بوتگ کہ آئی ماں چھبار ئے بندیگجاہ ءَ ، بندیگ اِنت۔ آئی ءِ دزگیر بوھگ ءَ 30 روچ گوستگ بلے بندیگجاہ ءِ زمہ واران ءَ لوگئے مردم گوشتگ اَنت آئی ءِ پروندہ پہ گیشتریں پول ءُ تار ءَ دُزاپ ءَ دیم دیگ بوتگ۔ اے جاور ءَ آئی ءِ ھیرانی ءُ لوگئے مردمانی دل پریشانی گیش کرتگ. اے پیش اَتک بلوچانی بید چہ اِنساپ ئے جاور ئے درا بوھگ، آیان ءَ پہ مزنیں وھدے سرگردان کنگئے چیدگے زانگ بیت.
Be the first to comment