رَسانک نیوز/ شمبے 18 بہمن ماہ 1404، بلوچی کہ ماں تاریک 10 بہمن ماہ ءَ بندر لنگہ ءَ چیئریں ادارہ ءَ دزگیر کرتگ، ھشت روچ ءَ پد داں انگت ءَ بے ھالے سرپد ئے اِنت ءُ آئی ءِ دارگ ئے جاگہ زانگ نہ بوتگ.
اے بلوچئے پجّار «آبد جدگال»، ملک مهمد ئے چُک، یک جنیں زھگئے پت، بُندر ءَ چھبار ئے پیر سھراب زِلّھ ئے بریانی دمگئے نندوک زانگ بوتگ.
رَسانک ءِ ھال سرکنوکانی رِد ءَ، آبد دریا ءَ باری لانچ ءَ کار ءَ دلگوش بوتگ ءُ انّیگیں وھدا چہ دبی ءَ بندر لنگہ ءَ پدترّ اِتگ۔ ھماں وھدا کہ آبد لانچی یے سرا گوں تیاب ءِ چاروگیں گاٹ آں ھوار بوتگ، چیئریں ادارہ ئے سادہ پوشیں ٹولی ءَ چہ لانچ ئے سرا دزگیر ءُ چیئریں جاگہے بُرتگ.
ھال سرکنوکان ءَ گوشتگ: آبد ئے دزگیر بوھگ ءَ پد، آئی ءِ لوگئے مردماں چہ تیاب ءِ چاروگیں گاٹ آن ءُ لانچ ئے ناھُدا ءَ جُست ءُ پُرس کرتگ۔ بلے آیان ءَ یکّیں پسّو دیگ بوتگ کہ تیاب ءِ چاروگیں گاٹ چہ آئی ءِ جاور ءَ بے ھالے سرپد ئے اِنت.
Be the first to comment