چھبار ءَ ڈَگاری یے سرا اَڑ ءُ جیڑہ ءَ شش بلوچ کُشگ، ٹپیگ ءُ یکی دگہ دزگیر کنگ بوتگ

رَسانک نیوز/ 17 بہمن ماہ 1404، چھبار ئے کُمب للو دمگ ءَ پہ دَگاری یے واھُندی ئے سرا جیڑہ ءُ سلاہ بندیں ٹکّر ءَ چہ دوئیں نیمگ ءَ سئے مردم کُشگ ءُ سئے دگہ ٹپیگ بوتگ۔ اے جیڑہ ءُ سلاہ بندیں ٹکّر ءَ بلوچے دزگیر کنگ بوتگ.

کُشگ بوتگیں بلوچانی پجّار «اسگر جدگال»، 23 سالگ، اُمر ئے چُک، «اُمر جدگال»، (اسگر ئے پت)، 46 سالگ، شیئر مھمد ئے چُک ءُ «نیئمت شهلی بر» بُندر ءَ پہرہ ءُ انّیگیں وھدا چھبار ئے نندوکیں مردمی زانگ بوتگ. ٹپّیگ بوتگیں بلوچانی پجّار «رستم جدگال »(اُمر ئے پت)، 43 سالگ، شیئرمھمد ئے چُک، «پرہاد جدگال» (اسگر ئے برات)، 18 سالگ، اُمر ئے چُک، نیئمت ئے دوئیں چُکّانی پجّار کہ یکی ٹپیگ ءُ آں دگہ دزگیر بوتگ داں انگت ءَ اَلّم ءَ گوشگ نہ بوتگ.

رَسانک ءِ ھال سرکنوکانی رِد ءَ، اے جیڑہ ءُ جنجال چہ دیمترا آیانی میان ءَ پہ ڈَگاری یے واھُندی ءَ رُستگ کہ جمے روچ ءَ گوں دو نیمگیں سلاہ بندیں ٹکّر ءَ آسر بوتگ، اے ٹکّر ءَ اسگر ءُ آئی ءِ پت ءَ تیر وارتگ ءُ ساہ داتگ، ھمیں وڑا نیئمت کہ اے ٹکّر ءَ ٹپیگ بوتگ پد چہ نادراہجاہ ءِ سربوھگ ءَ چہ بازیں ٹپّاں ساہ داتگ.

گوشگ لوٹیت آں دگہ دوئیں ٹپیگ بوتگیں مردم چھبار ئے امام اَلی نادراہجاہ ءَ درمان بوھگ اَنت.