چھبار ءَ مهلوکئے زھرشانی ئے وھدا دزگیر بوتگیں بلوچ، 28 روچ ءَ پد داں انگت بے ھالے سرپدئے اِنت

رَسانک نیوز/ پنچشمبے 16 بہمن ماہ 1404، چھبار ءَ بلوچی کہ 18 دی ماہ ءِ شپ ءَ مهلوکئے زھرشانی ئے وھدا امنیتی ٹولی ءَ دزگیر کرتگ، 28 روچ ءَ پد داں انگت ءَ آئی ءِ ھچ پیمیں ھالے سرپدئے دست نہ کپتگ، ھاندان ءَ دارگ ئے جاگہ، پروندہ ئے اِنساپ ءِ جاور ءُ آئی ءِ دُراہی ئے باراوا ھچ وڑیں ھالی نہ رستگ ءُ نہ کہ امنیتی ءُ اِنساپ ئے ادارہ آن ءَ اے بابت ءَ روژناکیں پسّوے داتگ۔ اے گپّ ءَ لوگئے مردمانی دل پریشانی گیش کرتگ.

دزگیر بوتگیں نوک ورنا ئے پجّار «ازیم مهمدی»، کِساس 17 سالگ، ھمید ئے چُک، بُندر ءَ چھبار ئے نندوکیں مردمی زانگ بوتگ.

اے ھالئے رِد ءَ، گوستگیں بیست ءُ ھشت روچ آن ءَ اے ورنا ئے ھاندان ءُ لوگئے مردمان ءَ امنیتی ءُ اِنساپ ئے ادارہ آن ءَ باز ترّ ءُ تاب کرتگ، بلے ھچ ادارھی ءَ سرکاری رنگ ءَ آئی ءِ دزگیر کنگئے زمہ واری نہ منّتگ ءُ نہ کہ آئی ءِ ھال جِند ئے ھال، پروندہ ئے اِنساپ ءِ جاور ءُ دارگئے جاگہ ئے باراوا گپّے جتگ۔ ھمیں وڑا اے دوران ءَ ھچ زمہ واریں ادارھی ءَ تَچک ءَ گوں ھاندان ءُ لوگئے مردماں نہ جوڑتگ.

جاور ئے ھمیں پیم دیمروی ءُ ھاندان ئے رندگیری آنے بے پسّو بوھگ، زوریں بیگواہ کنگ زانگ بنت ءُ اے ورنا ئے سرنبشت ئے بابت ءَ دل پریشانے دو چُنت کرتگ. اے جاور، انسان ءُ ھمیں وڑ چُکّ آنے بُنیاتی ھَکّ آنی چَپ زانگ بنت ءُ زمہ وارانی بے پرواھی ءَ پہ جھمنند آن ءُ چُکّانی ھَکّ آنی بابت ءَ درا کنت.