دشتیاری ءَ بلوچیں چُکّے ھوٹّگ ءَ ڈوب اِتگ ءُ ساہ داتگ

رَسانک نیوز/ چارشمبے 15 بہمن ماہ 1404، دشتیاری ئے بل ریمدان دمگ ءَ بلوچیں کسانیں چُکّی آیانی لوگئے پدئیں نیمگ ئے ھوٹگ ءَ ڈوب اِتگ ءُ ساہ داتگ.

اے بلوچیں چُکّئے پجّار «ھمرہ گرگیج»، یک ءُ نیم سالگ، گلام اکبر ئے چُکّ، بُندر ءَ دشتیاری ئے بل ریمدان دمگئے نندوک زانگ بوتگ.

اے ھالئے رِد ءَ، ھماں وھدا کہ اے چُک، لوگئے کَشّ ءُ کِرّا شُتگ ماں آپ ءِ کہڈہ ءَ کپتگ ءُ ماں آپ ءَ ڈوب اِتگ ءُ ساہ داتگ.

ھوٹگ ھماں کہڈ ءَ گوشنت کہ انسان ءَ جوڑ کرتگ یاں اَبرمی وڑا جوڑ بوتگ کہ آپ آئی ءِ تہا سرجم ءُ پہ ھمروچی کار آں کارمرز کنگ بیت.

گوشگ لوٹیت: دشتیاری ءُ کنرک ءَ بازیں دمگی چہ لولہ کشّیں آپ ءَ بے بہر اَنت ءُ اُدے مردم ناچار اَنت پہ ھمروچی کار آں ھمیں آپ ءَ کارمرز بہ کننت.