پہرہ ءَ سلاہ بندیں مردمان ءَ بلوچی آوار جتگ ءُ کُشتگ

رَسانک نیوز/ یکشمبے 12 بہمن ماہ 1404، جُمے روچ 10 بہمن ماہ ءَ بلوچی کہ سلاہ بندیں مردمان ءَ آوار جتگ، پہرہ ئے زھلنپان دمگئے نندوکیں مردمانی دیم ءَ تیر کنگ ءُ کُشگ بوتگ.

کُشگ بوتگیں بلوچئے پجّار «پرہاد سهرابزھی»، 19 سالگ، ھُداداد ئے چُک، بُندر ءَ پہرہ ئے ڈمّن زِلّھ ئے زھلنپان دمگ ءِ نندوک زانگ بوتگ.

اے ھالئے رِد ءَ، جمے شپ ءَ چُنت سلاہ بندیں مردمان ءَ پرہاد آوار جتگ، ایشی ءَ پد آئی ءِ ھچ ھالے سرپدئے نہ بوتگ تاں دو روچ ءَ کہ آوار جنوکان ءَ پرہاد پدی زھلنپان دمگ ءَ آرتگ ءُ دمگئے نندوکیں مردمانی دیم ءَ تیر اِش کرتگ ءُ کُشتگ.

پرہاد ئے بے ساھیں جون ءَ آزار ءُ لٹ شاپ ءِ پد ءُ نشاں درا بوتگ اَنت کہ آوار جنوکان ءَ آئی ءِ دست چہ پُشت ءَ پہ سیم بستگ ءُ اے دوئیں روچاں کہ آیانی دست ءَ بوتگ سک آزار اِش داتگ.

گوشگ لوٹیت آوار جنوکان ءَ اے کوش وتی نزّیکیں مردمی یے ھون ئے بیڑ زانتگ ءُ گوشتگ کہ پرھاد ءَ مئی مردم کُشتگ ءُ یاں کہ مئی مردمئے کُشگ ءَ ھُور بوتگ.