رَسانک نیوز/ مروچی چارشمبے 15 بہمن ماہ 1404، دُزاپ ءِ مراد کلی روڈ ءَ مزن سالیں بلوچے کہ سلاہ بندین ءُ بے پجّاریں مردمان ءَ ماں تاریک 13 دی ماہ ءَ آوار جتگ، 32 روچ ءَ پد داں انگت ھاندان ءُ لوگئے مردمان ءَ آئی ءِ ھالے سرپدئے دست نہ کپتگ.
رَسانک ءَ آوار جنگ بوتگیں بلوچئے پجّار «ولیداد شهنوازی (رھمتزھی) »، 67 سالگ، ولی مهمد ئے چُک، آروس کرتگ ءُ زھگ آنے پت، بُندر ءَ دُزاپ ئے مردم زانتگ.
رَسانک ئے ھال سرکنوکان ءَ گوشتگ، سلاہ بندیں مردماں آئی ءِ لوگ ءَ شُتگ اَنت ءُ پہ اے نیمون ءَ کہ لوٹ اَنت لوگ واھُند ءَ بہ گِند اَنت آئی ءَ چہ لوگ ءَ ڈنّ آورتگ ءُ چُنت دکیکت ءَ پد پہ زورا وتی گاڑی سوار کرتگ ءُ بُرتگ.
ھال سرکنوکانے رِد ءَ، اے بلوچئے آوار جنگ ءَ پد، نہ آوار جنوکان ءُ نہ کہ امنیتی ادارہ آن ءَ گوں لوگئے مردمان ءَ اے بابت ءَ ھال اھوال کرتگ۔ لوگئے مردم چہ آئی ءِ ھال ءَ بے سرپد اَنت۔ ھاندان ئے امنیتی ادارہ آنے ترّ ءُ تاب کنگ ءُ رَندگیری بے نتیجگ بوتگ.
لوگئے مردمان ءَ نمبر شِنگ کرتگ ءُ چہ مهلوک ءَ لوٹتگ، ھر کس آئی ءِ باراوا ھالی سرپد اِنت، یاں کہ آیاں ھالی دست کپت ھالاں اے نمبرا سر بہ کننت.
Be the first to comment