دشتیاری ءَ بلوچیں چُکّی ماں ھوٹگ ءَ ڈوبّ اِتگ ءُ ساہ داتگ

رَسانک نیوز/ دوشمبے روچ 13 بہمن ماہ 1404، دشتیاری ئے پیر سہراب زِلّھ ئے دج رھمت دمگ ءَ بلوچے چُکّی ماں ھوٹگ ءَ کپتگ ءُ ساہ داتگ.

رَسانک ءَ اے بلوچیں چُکّئے پجّار «یاسر ابداللھی (بلوچ)»، 7 سالگ، گپور ئے چُک، دشتیاری ءَ دج رھمت دمگ ءِ نندوک زانتگ.

رَسانک ءِ ھال سرکنوکان ءَ گوشتگ یاسر دج رھمت دمگ ءَ سیئد کمالی وانگجاہ ءَ اوّلیں کلاس ئے نوک دربری بوتگ۔ ایشی ءَ پد کہ آئی چہ وانگجاہ ءَ لوگ ءَ واتر بوتگ، دمگ ئے ھوٹگ ءَ شُتگ ءُ ماں ھوٹگ ءَ کپتگ ءُ ساھی داتگ.

ھوٹگ ھماں کڈّ ءَ گوشنت کہ انسان ءَ وت جوڑ کرتگ یاں کہ اَبرمی وڑا جوڑ بوتگ ءُ ھَور ئے آپ ماں آئی ءَ جم بیت۔ مهلوک اے آپ ءَ کارمرز کننت.

بازیں دمگی ماں دشتیاری ءُ کنرک ءَ چہ لولہ کشّیں آپ ءَ بے بہر اَنت ءُ مھلوک ھمیں آپی کہ ماں ھوٹگ ءَ سرجم بیت، پہ ھمروچی زلورت آں کارمرز کننت.