رَسانک نیوز/ جمے روچ 10 بہمن ماہ 1404، کلانتری ئے گوشتگانک ئے رِد ءَ، بلوچی کہ ماں نہ گیگ اِیں ھالت ءَ چہ تھران ئے روڈی ءَ دست کپتگ، نادراہجاہ ءَ سر کنگ ءَ پد ساھی داتگ۔ کانونی ڈاکٹر آنے پٹ ءُ پول ءَ مُهکمیں چیزی یے ماں سر ءَ لگّگ، آئی ءِ مرک ئے سوب زانتگ۔ گُمان ایشنت کہ چہ ساہ دیگ ءَ دیمتر، گوں مُهکمیں چیزی ءَ ماں سر ءَ کُٹّگ بوتگ.
رَسانک ءَ ساہ داتگیں بلوچئے پجّار «آمر ایراندوست»، 40 سالگ، اَلی مهمد ئے چُک، سرباز ءَ میتگان دمگئے نندوکیں مردمی زانتگ.
رَسانک ءِ ھال سرکنوکانی رِد ءَ، آمر جوشکاری ءَ دلگوش بوتگ ءُ پنچشمبے شپ ءَ 9 بہمن ماہ پد چہ ایشی ءَ کہ پہ کاری ءَ آئی ءَ پئونی آتکگ، چہ لوگ ءَ ڈنّ شُتگ۔ ھاندان ءَ چُنت ساھت آئی ءِ ھالے سرپدئے دست نہ کپتگ.
کانونی ڈاکٹر آنے رپوٹ ئے رِد ءَ، آئی ءِ مرگ ءِ سوب مُهکمیں چیزی ماں سر ءَ لگّگ گوشگ بوتگ۔ بے ساھیں جون ئے ھاک آں ایئر دیگ ءِ وھدا دوچگ ئے نشان ماں سر ءُ ھمیں پیم جون ئے لاپ، پاد ءُ شرمگاہ ءِ بہر ءَ لٹ ءُ کُٹ ئے پد ءُ نشان درا بوتگ۔ اے جاور ءَ آئی ءِ مرک ءِ بابت ءَ شکّ ءُ گُماں گیش کرتگ.
گوشگ بیت اے بلوچئے بے ساھیں جون آئی ءِ پیداگ بوھگ ءِ دمگ ءَ ماں سرباز ءَ دوشمبے 12 بہمن ماہ ءَ ھاک آں ایئر دیگ بوتگ.
Be the first to comment