رَسانک نیوز/ دوشمبے 13 بہمن ماہ 1404، انسارالپرکان ئے گل ءَ، یکی چہ ایرانی رژیم ئے ھلاپ، سلاہ بندین گل آن ءَ ھال داتگ، اے گل ءَ دُزاپ ءِ زِرباریں دمگ ءَ سپاہ پاسداران ئے گاڑیانی کاروان ءِ سرا اُرش کرتگ۔ بلے سرکاری میڈیا ءَ اے کاروایی ءَ ناکام گوشتگ.
انسارالپرکان ئے گل ءَ ھُردیں جارتاکی شنگ کرتگ ءُ گوشتگ۔ زی بیگاہ ءَ دُزاپ ءُ واش ئے راہ ءَ ھنجک ریل گاڑی ئے دمگ ءَ اے گل ءَ سپاہ پاسداران ئے سئے گاڑی ءِ کاروان ءِ راہ ئے سرا گوں مین ءِ کَلّ کنگ ءَ اُرش کرتگ کہ لہتیں چہ نزامیاں کُشگ ءُ لہتیں دگہ ٹپیگ بوتگ اَنت.
سرکاری میڈیا ءَ اے کاروایی ناکام زانتگ ءُ گوشتگ سپاہ ئے ٹولی ئے راہ ءِ سرا بُم ایئر کنگ ءِ کاروایی ءَ پروش وارتگ ءُ سپاہ ءِ کارمند نہ کہ کُشگ ءُ نہ کہ ٹپیگ بوتگ اَنت.
Be the first to comment