رَسانک نیوز/ شمبے روچ 11 بہمن ماہ 1404 ءَ، گِہ ءُ لاشار ئے راہ ءَ چہ سلاہ بندین ءُ بے پجّاریں مردمانی تیرگواری ءَ دو بلوچ ءَ تیر وارتگ کہ یکی کُشگ ءُ دگری ٹپیگ بوتگ.
کُشگ بوتگیں بلوچئے پجّار «دُرمھمد توکی»، کِساس 39 سالگ، گلام ئے چُک، آروس کرتگ ءُ پنچ زھگئے پت، ٹپیگ بوتگیں بلوچئے پجّار «امید توکی»، 27 سالگ، ھیدر ئے چُک، آروس کرتگ ءُ ھر دو لاشار ئے نندوکیں مردم زانگ بوتگ اَنت.
اے ھالئے رِد ءَ، دوئیں بلوچ چہ گِہ ءَ دیم پہ لاشار ءَ روگ ءَ بوتگ اَنت کہ سلاہ بندین ءُ بے پجّاریں مردمان ءَ آیانی گاڑی گوں رگبار ءَ بستگ۔ اے تیرگواری ءَ درمھمد ءَ تیر وارتگ ءُ جاہ ءَ ساہ داتگ۔ امید توکی ءَ ھم تیر وارتگ ءُ ٹپیگ بوھگ ءَ پد نادراہجاہ ءَ سرکنگ بوتگ.
داں انگت ءَ اُرش کنوکانی سوب ءُ آیانی پجّار زانگ نہ بوتگ.
Be the first to comment